عودة جديدة

موضوع: عودة جديدة الجمعة أغسطس 07, 2009 8:57 pm

السلام عليكم ورحمة الله وبركاته

كل عام وأنتم بخير
اللهم أكتب لنا صيام رمضان وقيام رمضان وتقبل عملنا جميعا وتب علينا انك انت التواب الرحيم

مبروك الاستايل الجديد للمنتدى واظن ان أفضل كتير من سابقه وياريت تحضر خلال الفترة دي استايل دائم يكون مناسب لأغلب الاعضاء
وجزاك الله خيرا عن مجهودك يا وليد

بس يا جماعة المنتدى لازم يكون فيه روح
وروح المنتدى من اعضاءه
فكرة المنتدى قائمة علي النقاش علي الرأي والرأي الاخر
المنتدى لو اقتصر عن أنه علمي بس نجاحه هيبقي قليل والجروب هيبقي أفضل كتير

لازم تضيف منتدايات عامة يا وليد لازم تقدم خدمة ثقافية كاملة لا تقتصر علي الجانب العلمي
وبعدين فين الاعضاء الناس اللي سجلت فين التفاعل فين المشاركة
محدش فكر يدخل يقول مبروك حتي
يا جماعة المنتدى فرصة ان كل واحد يعبر عن نفسه يقول رأيه ويسمع أراء الناس
يتفاعل اظن ان دكتور سمير علمنا اننا نقول اللي جوانا
اللي عايز يكتب في اي موضوع يعرض اي فكرة سواء شخصية او عامة
يضيف معلومة سواء في الدراسة او في الحياة او في اي مجال اخر

دا لو انتم حابين ان المنتدى بتاعنا ينجح

وليد انت محتاج ناس تساعدلازم تبدأ تدور علي الناس دي محتاج خبرة اكتر
وبعدين انا عاتب عليك لانك حتي ما رديت علي موضوعي اللي فاتت
مينفعش الادمن لازم يكون متفاعل مع كل اراء الاعضاء وطلبتهم
خصوصا ان انت لسه مفيش حد معاك في الاشراف

انا هفضل معترض طول ماالاعلان اللي فيه العلم الاسرائيلي وهفضل رافض لوجوده في المكان اللي هيكون بيتنا لو قدرنا نأسسه صح

ياريت حد يرد يا جماعة يحسسني اننا في منتدى
بلاش السلبية عمرها ما تليق بأبناء د/ سمير

الففففففففففففففف مبروك
وان شاء الله يكون المنتدي فيه خير للطلبة خصوصا ولاي مشترك عادي عموما

وعلي فكرة العلم ده جزء من الاعلان ولو عايزه يتشال يبقي الاعلان كله يتشال وانا شايف ان الموضوع مش خطير
دي اكاديمية بتعلم لغات كتير من ضمنها العبري
وبلاش حساسيتنا المفرطة دي